بھارتی حکمران جماعت بھارتیہ جنتا پارٹی اور مودی حکومت کی جانب سے بھارت میں نوجوانوں کی تیزی سے ابھرتی ہوئی آن لائن تحریک "کاکروچ جنتا پارٹی" کے تمام سوشل میڈیا اکاؤنٹس بند کردیے گئے ہیں۔
چند ہی روز میں کروڑوں کی تعداد میں فالوورز حاصل کرنے والی اس ڈیجیٹل تحریک کی بڑھتی مقبولیت کو مودی سرکار کی بوکھلاہٹ کی وجہ قرار دیا جا رہا ہے۔
تحریک کے بانی ابھیجیت دپکے نے اس حوالے سے تصدیق کی ہے کہ ان کی تنظیم کے تمام سوشل میڈیا اکاؤنٹس تک رسائی مکمل طور پر ختم ہوچکی ہے، جبکہ ان کا ذاتی انسٹاگرام اکاؤنٹ بھی ہیک کرلیا گیا ہے۔
ابھیجیت دپکے کا مزید کہنا ہے کہ بھارتی وزیرِ تعلیم دھرمیندر پردھان کے استعفے کے لیے آن لائن مہم چلانے کی پاداش میں اب انہیں جان سے مارنے کی دھمکیاں بھی دی جا رہی ہیں۔