قلات میں ٹول پلازہ کے قریب قومی شاہراہ پر کار اور پک اپ کے درمیان خوفناک تصادم کے نتیجے میں 2 خواتین سمیت 6 افراد جاں بحق جبکہ 3 زخمی ہوگئے۔
ذرائع کے مطابق حادثہ تیز رفتاری کے باعث پیش آیا، جس کے نتیجے میں دونوں گاڑیاں آپس میں ٹکرا گئیں۔ تصادم اتنا شدید تھا کہ متعدد افراد موقع پر ہی جان کی بازی ہار گئے۔
ریسکیو ٹیموں نے موقع پر پہنچ کر لاشوں کو قریبی اسپتال منتقل کیا، جبکہ زخمیوں کو فوری طبی امداد فراہم کی گئی۔ پولیس نے واقعے کی تحقیقات شروع کردی ہیں جبکہ حادثے کی وجوہات جاننے کے لیے شواہد اکٹھے کیے جارہے ہیں۔