رومانیہ میں روسی ڈرون حملے کے بعد نیٹو کے سربراہ مارک روٹے نے کہا ہے کہ اتحاد اپنے تمام رکن ممالک کے دفاع کے لیے مکمل طور پر تیار ہے۔
مارک روٹے نے اپنے بیان میں کہا کہ انہوں نے رومانیہ کے صدر نیکوشور ڈان سے رابطہ کیا اور رومانیہ کے ساتھ نیٹو کی مکمل یکجہتی کا اعادہ کیا۔
انہوں نے کہا کہ نیٹو اپنے اتحادی ممالک کے ایک ایک انچ کے دفاع کے لیے پرعزم ہے اور کسی بھی خطرے سے نمٹنے کی مکمل صلاحیت رکھتا ہے۔
نیٹو سربراہ کا کہنا تھا کہ روس کا غیر محتاط رویہ پورے خطے اور عالمی امن کے لیے خطرہ بن چکا ہے۔
خبر ایجنسی کے مطابق رومانیہ میں ایک ڈرون رہائشی عمارت سے ٹکرا گیا جس کے نتیجے میں 3 افراد زخمی ہوگئے۔ واقعے کے بعد علاقے میں امدادی کارروائیاں کی گئیں جبکہ صورتحال کا جائزہ لیا جا رہا ہے۔