میئر نیویارک سٹی ظہران ممدانی نے ایران اور امریکا کے درمیان جاری جنگ کو فوری طور پر ختم کرنے کا مطالبہ کردیا ہے۔
سوشل میڈیا پلیٹ فارم ایکس پر جاری بیان میں انہوں نے کہا کہ تین ماہ قبل ایک ایسی جنگ شروع کی گئی جس کے حق میں کسی نے ووٹ نہیں دیا تھا اور اب اس جنگ کی بھاری قیمت عوام کو چکانی پڑ رہی ہے۔
انہوں نے موقف اختیار کیا کہ کانگریس کی منظوری کے بغیر شروع کی گئی اس جنگ نے عوام کے بجٹ کو شدید متاثر کیا ہے، جس کی وجہ سے امریکا میں پیٹرول اور اشیائے خورونوش کی قیمتوں میں نمایاں اضافہ ہوا ہے۔
ظہران ممدانی نے واضح کیا کہ وہ پہلے دن سے اس جنگ کے خلاف تھے اور آج بھی اس کے خلاف ہیں، اس لیے یہ جنگ اب ختم ہونی چاہیے۔