امریکی وزیر جنگ پیٹ ہیگستھ نے کہا ہے کہ ایران کسی صورت جوہری ہتھیار حاصل نہیں کر سکتا اور اگر ضرورت پڑی تو ایران کے خلاف فوجی کارروائی دوبارہ شروع کی جا سکتی ہے۔
انہوں نے اپنے خطاب میں کہا کہ ایران کے ساتھ کسی بھی معاہدے کی صورت میں وہ اچھا معاہدہ ہونا چاہیے جبکہ امریکی فوج کسی بھی ممکنہ صورتحال کے لیے مکمل طور پر تیار ہے۔
پیٹ ہیگستھ کے مطابق امریکا عالمی سلامتی میں اپنا کردار ادا کرتا رہے گا تاہم اب وہ دوسرے امیر ممالک کے دفاعی اخراجات کا بوجھ نہیں اٹھائے گا۔
انہوں نے چین کا ذکر کرتے ہوئے کہا کہ کوئی بھی ملک بحرالکاہل میں بالادستی قائم نہیں کر سکتا کیونکہ اس سے عالمی طاقت کا توازن متاثر ہوگا۔