غزہ سٹی میں اسرائیلی فوج کے تازہ فضائی حملوں کے نتیجے میں چار بچوں سمیت 9 فلسطینی شہید اور متعدد زخمی ہوگئے۔
فلسطینی سول ڈیفنس کے ترجمان محمود بصل کے مطابق یہ حملے علی الصبح کیے گئے جن میں رہائشی عمارتوں کو نشانہ بنایا گیا، جبکہ الشاطی پناہ گزین کیمپ میں بھی ایک فلسطینی کی شہادت ہوئی۔
دوسری جانب فلسطینی گورنمنٹ میڈیا آفس نے بتایا کہ گزشتہ سال اکتوبر میں جنگ بندی کے نفاذ کے بعد سے اب تک اسرائیل کی جانب سے 3 ہزار سے زائد مرتبہ جنگ بندی کی خلاف ورزیاں کی جاچکی ہیں، جن کے نتیجے میں مجموعی طور پر 900 فلسطینی شہید اور 2 ہزار سے زائد زخمی ہوئے ہیں۔