متحدہ عرب امارات کی حکومت نے نئے ہجری سال کے آغاز پر سرکاری اور نجی شعبے کے ملازمین کے لیے عام تعطیل کا اعلان کردیا ہے۔
اماراتی حکام کے مطابق یکم محرم الحرام کے موقع پر 15 جون کو ملک بھر میں عام تعطیل ہوگی۔ اس فیصلے کی تصدیق فیڈرل اتھارٹی فار گورنمنٹ ہیومن ریسورسز نے کی ہے۔
اعلان کے تحت سرکاری اداروں اور نجی کمپنیوں کے تمام ملازمین تعطیل سے مستفید ہوں گے جبکہ چھٹی کے باعث متعدد کارکنوں کو طویل ویک اینڈ بھی میسر آئے گا۔
متحدہ عرب امارات میں اسلامی اور قومی تہواروں کے موقع پر باقاعدگی سے سرکاری تعطیلات دی جاتی ہیں، جن سے لاکھوں مقامی اور غیر ملکی ملازمین فائدہ اٹھاتے ہیں۔