وزیر دفاع خواجہ آصف نے کہا ہے کہ ریاست کشمیری عوام کو اپنی رائے کے آزادانہ اظہار اور جمہوری عمل میں شرکت کا مکمل موقع فراہم کرے گی۔
اپنے بیان میں خواجہ آصف نے کہا کہ پولیس اور سیکیورٹی اہلکاروں کو شہید کیا گیا اور لاشوں کی بے حرمتی کی گئی جو اس بات کی نشاندہی کرتا ہے کہ بعض عناصر عوامی رائے اور انتخابی عمل کو قبول نہیں کرنا چاہتے۔
انہوں نے کہا کہ عوامی رائے کے بجائے تشدد اور قتل و غارت کے ذریعے اپنے نظریات مسلط کرنے والوں کے مقاصد جمہوری نہیں ہیں۔
وزیر دفاع کا کہنا تھا کہ ریاست مخالف سرگرمیوں اور تشدد کے خلاف قانون کو پوری قوت سے نافذ کیا جائے گا جبکہ کشمیری عوام کو اپنی رائے کے آزادانہ استعمال کا حق ہر صورت یقینی بنایا جائے گا۔