امریکی صدر ڈونلڈ ٹرمپ نے کہا ہے کہ ایران نے مذاکرات میں بہت تاخیر کی ہے اور اب اسے اس کی قیمت چکانی ہوگی۔
اپنے سوشل میڈیا پلیٹ فارم ٹروتھ سوشل پر بیان میں ٹرمپ نے کہا ہے کہ ایران کی فوجی صلاحیتیں شدید متاثر ہو چکی ہیں اور اس کی بحریہ و فضائیہ عملاً غیر مؤثر ہو گئی ہیں۔
انہوں نے کہا کہ ایران صرف باتیں کرتا ہے مگر عملی اقدامات نہیں کرتا جبکہ مشرقِ وسطیٰ میں اس کا کردار کمزور ہو چکا ہے۔
ٹرمپ کے مطابق ایران نے ایک ایسے معاہدے پر بات چیت میں تاخیر کی جو اس کے لیے فائدہ مند ہو سکتا تھا اور اب اس فیصلے کے نتائج اسے بھگتنا ہوں گے۔