مری ایکسپریس وے حادثے میں جاں بحق ہونے والے 10 افراد کی میتیں ریسکیو 1122 ملتان کی خدمات کے ذریعے ان کے آبائی علاقے سوتیری وٹ روانہ کر دی گئیں۔
ریسکیو ذرائع کے مطابق میتوں کی منتقلی کے لیے خصوصی انتظامات کیے گئے، جبکہ ریسکیو ٹیموں نے تمام ضروری قانونی و طبی کارروائیاں مکمل کیں۔
واقعے کے بعد علاقے میں سوگ کی فضا قائم ہے، جبکہ مقامی سطح پر کاروباری سرگرمیاں جزوی طور پر معطل رہیں۔
حادثے کے متاثرہ خاندانوں میں گہرے رنج و غم کی کیفیت پائی جا رہی ہے اور شہریوں کی بڑی تعداد نے جاں بحق افراد کے لیے دعائے مغفرت کی۔