وفاقی آئینی عدالت نے ڈاکٹر عافیہ صدیقی کیس کی سماعت کے لیے مقرر کر دیا ہے۔ عدالت نے وزیراعظم اور کابینہ کے خلاف توہینِ عدالت کارروائی سے متعلق اپیل بھی سماعت کے لیے منظور کر لی ہے۔
چیف جسٹس امین الدین خان کی سربراہی میں 2 رکنی بینچ 16 جون کو کیس کی سماعت کرے گا۔ وفاقی حکومت نے وزیراعظم اور کابینہ کے خلاف توہینِ عدالت کارروائی کے فیصلے کو چیلنج کر رکھا ہے۔
واضح رہے کہ اسلام آباد ہائیکورٹ نے ڈاکٹر عافیہ صدیقی کیس میں حکم عدولی پر توہینِ عدالت کی کارروائی کا حکم دیا تھا، تاہم وفاقی آئینی عدالت نے وزیراعظم اور کابینہ کے خلاف توہینِ عدالت کا حکم معطل کر رکھا ہے۔