سوات ایکسپریس وے پر کاٹلنگ کے قریب افسوسناک ٹریفک حادثہ پیش آیا جس کے نتیجے میں موٹروے پولیس کا سب انسپکٹر شہید جبکہ دوسرا سب انسپکٹر اور فائن کلیکشن کا ایک اہلکار زخمی ہوگیا۔
سب انسپکٹر نظام الدین اور سب انسپکٹر اکبر علی معمول کی اسپیڈ انفورسمنٹ ڈیوٹی انجام دے رہے تھے کہ اسی دوران ایک تیز رفتار کار نے انہیں ٹکر مار دی۔
حادثے میں ملوث گاڑی میں سوار ایک بچی جاں بحق ہوگئی جبکہ میاں بیوی زخمی ہوئے۔ تمام زخمیوں کو فوری طور پر مردان میڈیکل کمپلیکس منتقل کر دیا گیا جہاں سب انسپکٹر اکبر علی اور فائن کلیکشن اہلکار کا علاج جاری ہے۔
ابتدائی تحقیقات کے مطابق حادثہ مبینہ طور پر گاڑی ڈرائیور کی غفلت، لاپرواہی اور تیز رفتاری کے باعث پیش آیا۔