خیبر پختونخوا اسمبلی کا آج ہونے والا اجلاس ایک بار پھر ملتوی کردیا گیا ہے، جبکہ آئندہ اجلاس اب 17 جون بروز بدھ طلب کیا گیا ہے۔
اسمبلی سیکریٹریٹ کے مطابق اسپیکر خیبر پختونخوا اسمبلی بابر سلیم سواتی نے اپنے حاصل اختیارات استعمال کرتے ہوئے اجلاس ملتوی کرنے کی منظوری دی۔ اس حوالے سے اسمبلی سیکریٹریٹ نے 17 جون کو اجلاس بلانے کا باضابطہ اعلامیہ بھی جاری کردیا ہے۔
یاد رہے کہ عیدالاضحیٰ سے قبل اسمبلی اجلاس یکم جون کو دوپہر دو بجے تک ملتوی کیا گیا تھا، تاہم بعد ازاں اسے قبل 8 جون، پھر 15 جون تک مؤخر کیا گیا اور اب ایک بار پھر 17 جون تک ملتوی کردیا گیا ہے۔
حکام کے مطابق آئندہ اجلاس میں اسمبلی کی کارروائی اور اہم قانون سازی سے متعلق امور زیر غور آنے کا امکان ہے۔