راولپنڈی میں افسوسناک واقعے کے دوران 6 سالہ بچہ سیوریج نالے میں ڈوب گیا، جس کے بعد ریسکیو ٹیموں نے سرچ آپریشن شروع کردیا ہے۔
ریسکیو حکام کے مطابق بچے کی تلاش کے لیے مختلف مقامات پر امدادی کارروائیاں جاری ہیں، جبکہ ٹیمیں جدید آلات کی مدد سے علاقے کی مکمل چھان بین کر رہی ہیں۔ واقعے کے بعد علاقے میں افسوس اور غم کی فضا پائی جاتی ہے۔
دوسری جانب وزیراعلیٰ پنجاب نے واقعے کا نوٹس لیتے ہوئے متعلقہ حکام سے فوری رپورٹ طلب کرلی ہے۔ انہوں نے ہدایت کی ہے کہ بچے کی تلاش کے لیے تمام دستیاب وسائل بروئے کار لائے جائیں اور ریسکیو آپریشن میں کسی قسم کی کوتاہی نہ برتی جائے۔