امریکا اور ایران کے درمیان آج سوئٹزرلینڈ میں ہونے والے طے شدہ مذاکرات منسوخ کر دیے گئے ہیں۔
سوئس وزارتِ خارجہ کے مطابق برجنسٹاک میں شیڈول مذاکرات اب منعقد نہیں ہوں گے۔ یہ بیان اس وقت سامنے آیا جب امریکی نائب صدر جے ڈی وینس کی سوئٹزرلینڈ روانگی مؤخر کر دی گئی۔
وائٹ ہاؤس کے ترجمان کے مطابق نائب صدر آج رات روانہ نہیں ہو رہے، تاہم امریکا نے کہا ہے کہ وہ تکنیکی سطح پر مذاکرات کے آغاز کا منتظر ہے۔
دونوں ممالک کے درمیان مذاکرات کی منسوخی کے بعد صورتحال غیر یقینی کا شکار ہے جبکہ آئندہ رابطوں کے حوالے سے باضابطہ اعلان کا انتظار کیا جا رہا ہے۔