نارووال کے علاقے محلہ گنج حسین آباد میں افسوسناک حادثہ پیش آیا جہاں ایک خستہ حال گھر کی چھت اچانک گر گئی، جس کے نتیجے میں ایک ہی خاندان کے چار افراد ملبے تلے دب گئے۔
ریسکیو حکام کے مطابق حادثے میں 9 سالہ احتشام جاں بحق ہوگیا، جبکہ اس کے والد، والدہ اور بہن شدید زخمی ہوئے ہیں۔ اطلاع ملتے ہی ریسکیو ٹیمیں موقع پر پہنچ گئیں اور امدادی کارروائی کرتے ہوئے متاثرین کو ملبے سے نکال لیا۔
زخمیوں کو فوری طور پر ڈسٹرکٹ ہیڈ کوارٹر ہسپتال منتقل کردیا گیا، جہاں انہیں طبی امداد فراہم کی جا رہی ہے۔ ریسکیو حکام کے مطابق حادثہ گھر کی خستہ حال چھت گرنے کے باعث پیش آیا۔