وزیراعظم شہباز شریف کے رواں ماہ سعودی عرب کے دورے کا امکان ہے، جس کے لیے انتظامات اور شیڈول کو حتمی شکل دی جا رہی ہے۔
ذرائع کے مطابق وزیراعظم اپنے دورے کے دوران سعودی عرب کی اعلیٰ قیادت سے ملاقاتیں کریں گے، جن میں دوطرفہ تعلقات، اقتصادی شراکت داری اور دفاعی تعاون کے فروغ سمیت مختلف اہم امور پر تبادلہ خیال کیا جائے گا۔
ذرائع کا کہنا ہے کہ ملاقاتوں میں خطے کی مجموعی صورتحال، عالمی پیش رفت اور باہمی دلچسپی کے دیگر معاملات بھی زیر بحث آئیں گے، جبکہ پاکستان اور سعودی عرب کے درمیان مختلف شعبوں میں تعاون کو مزید وسعت دینے کے امکانات کا جائزہ لیا جائے گا۔
ذرائع کے مطابق وزیراعظم آفس دورے کے شیڈول اور دیگر انتظامی امور کو حتمی شکل دینے میں مصروف ہے، جبکہ دورے کی سرکاری تاریخ کا اعلان جلد متوقع ہے۔