کراچی ٹرانسپورٹ اتحاد نے کمشنر کراچی سے ملاقات کے بعد شہر میں ہڑتال ختم کرنے کا اعلان کردیا۔
کراچی ٹرانسپورٹ اتحاد کے اعلامیہ کے مطابق اتوار کو کمشنر کراچی آفس میں کمشنر اور کراچی ٹرانسپورٹ اتحاد کے درمیان کامیاب مذاکرات ہوئے۔
اعلامیہ کے مطابق کمشنر کراچی کی جانب سے کئی چیزوں کی منظوری اور کچھ مطالبات کی منظوری کے لیے ٹائم فریم طے ہونے کے بعد کراچی ٹرانسپورٹ اتحاد نے گذشتہ 4 روز سے جاری ہڑتال کو مؤخر کرنے کا اعلان جاری کردیا۔
یاد رہے کہ کراچی ٹرانسپورٹ اتحاد نے ای چالان اور سبسڈی نہ ملنے پر 4 روز سے مسلسل ہڑتال کر رکھی تھی۔