سیشن کورٹ لاہور نے آن لائن جوا ایپ کی تشہیر کے مقدمے میں معروف ٹک ٹاکرز اقراء کنول اور اریب کی عبوری ضمانت میں 7 جولائی تک توسیع کر دی۔
ایڈیشنل سیشن جج نے ضمانت کی درخواستوں پر سماعت کے دوران نیشنل سائبر کرائم انوسٹی گیشن ایجنسی سے مقدمے کا مکمل ریکارڈ طلب کر لیا۔ عبوری ضمانت کی مدت ختم ہونے پر دونوں ملزمان عدالت میں پیش ہوئے۔
یاد رہے کہ این سی سی آئی اے نے اقراء کنول اور اریب کے خلاف آن لائن جوا ایپ کی تشہیر اور لوگوں کو اس کی ترغیب دینے کے الزام میں مقدمہ درج کر رکھا ہے۔ دونوں ٹک ٹاکرز نے ممکنہ گرفتاری سے بچنے کے لیے عدالت سے رجوع کیا تھا۔
عدالت نے عبوری ضمانت میں توسیع کرتے ہوئے کیس کی مزید سماعت 7 جولائی تک ملتوی کر دی۔