ایران کے سابق سپریم لیڈر آیت اللہ سید علی حسینی خامنہ ای کی نمازِ جنازہ کل تہران میں ادا کی جائے گی جس کے لیے دارالحکومت میں انتظامات کو حتمی شکل دی جا رہی ہے۔
ایرانی میڈیا کے مطابق آیت اللہ علی خامنہ ای کا جسد خاکی تہران کے جنوبی علاقے میں واقع امام خمینی حسینیہ منتقل کر دیا گیا ہے۔ نمازِ جنازہ کے بعد ان کا جسد خاکی قم، نجف اور کربلا لے جایا جائے گا، جبکہ تدفین ان کے آبائی شہر مشہد میں کی جائے گی۔ حکام کے مطابق جنازے اور آخری رسومات میں لاکھوں افراد کی شرکت متوقع ہے۔
ذرائع کے مطابق وزیراعظم شہباز شریف کابینہ کے اہم ارکان کے ہمراہ ایران جائیں گے اور نمازِ جنازہ میں شرکت کریں گے۔
ایرانی حکومت نے آخری رسومات کے موقع پر 6 جولائی کو ملک بھر میں عام تعطیل جبکہ 8 جولائی کو یومِ سوگ منانے کا اعلان کیا ہے۔ حکام کا کہنا ہے کہ سکیورٹی کے غیر معمولی انتظامات کیے گئے ہیں اور حساس مقامات پر حفاظتی اقدامات مزید سخت کر دیے گئے ہیں۔