امریکا اور ایران کے درمیان بڑھتی ہوئی کشیدگی کے اثرات عالمی منڈی پر بھی نمایاں ہونے لگے جہاں خام تیل کی قیمتوں میں تقریباً 9 فیصد اضافہ ریکارڈ کیا گیا ہے۔
رپورٹس کے مطابق برینٹ خام تیل کی قیمت 9.1 فیصد اضافے کے بعد 82.90 ڈالر فی بیرل تک پہنچ گئی، جبکہ ڈبلیو ٹی آئی خام تیل بھی 9.1 فیصد مہنگا ہو کر 77.87 ڈالر فی بیرل پر ٹریڈ کرنے لگا۔
قیمتوں میں یہ تیزی امریکا اور ایران کے درمیان بڑھتی ہوئی کشیدگی کے باعث سامنے آئی جہاں امریکی صدر ڈونلڈ ٹرمپ کی جانب سے ایرانی بندرگاہوں پر امریکی بحری ناکہ بندی دوبارہ نافذ کرنے کے اعلان اور دونوں ممالک کے درمیان جاری حملوں کے تبادلے نے عالمی توانائی مارکیٹ میں خدشات بڑھا دیے ہیں۔