ہنگری کے وزیراعظم پیٹر مگیار نے پاکستان کے وزیراعظم کی جانب سے بھیجے گئے آموں کے تحفے کو سراہتے ہوئے سوشل میڈیا پر دلچسپ انداز میں اپنی خوشی کا اظہار کیا۔ انہوں نے اسے مینگو ڈپلومیسی قرار دیتے ہوئے کہا کہ یہ تحفہ ان کے لیے ایک خوشگوار حیرت تھا۔
اپنے پیغام میں انہوں نے بتایا کہ ایک اہم عسکری مصروفیات سے بھرپور دن کے اختتام پر جب وہ اپنے دفتر واپس پہنچے تو وہاں پاکستان سے بھیجے گئے 90 رسیلے آم ان کے منتظر تھے جس نے ان کی تھکن خوشی میں بدل دی۔
پیٹر مگیار نے مزاحیہ انداز میں کہا کہ ہر ملک تحفے میں ریوالور نہیں بھیجتا۔ انہوں نے اس جملے کے ذریعے حال ہی میں ترک عسکری قیادت کی جانب سے ملنے والے ریوالور کا ذکر کیا اور پاکستان کے منفرد تحفے کو مختلف انداز میں سراہا۔
ہنگری کے وزیراعظم نے مزید بتایا کہ پاکستانی آم اتنے لذیذ تھے کہ صرف ایک گھنٹے کے اندر تمام آم ختم ہو گئے۔ انہوں نے اس خوبصورت تحفے پر پاکستان کا شکریہ بھی ادا کیا اور آموں کے ذائقے کی بھرپور تعریف کی۔