بھارت کے جوہری انفراسٹرکچر کی سائبر سیکیورٹی ایک بار پھر توجہ کا مرکز بن گئی ہے، جہاں ملک کے سب سے بڑے جوہری پاور پلانٹس میں شمار ہونے والے کدن کولم نیوکلیئر پاور پلانٹ کا حساس ڈیٹا مبینہ طور پر ڈارک ویب پر سامنے آنے کی اطلاعات ہیں۔
خبر ایجنسی رائٹرز کے مطابق لیک ہونے والے مواد میں پاور پلانٹ کے بعض حساس نقشے بھی شامل ہیں۔ تامل ناڈو میں واقع کدن کولم نیوکلیئر پاور پلانٹ بھارت کے جوہری توانائی پروگرام کا اہم حصہ سمجھا جاتا ہے۔
رپورٹ کے مطابق متعلقہ ادارے نے تصدیق کی ہے کہ اس کے سرور سے جزوی طور پر ڈیٹا تک غیر مجاز رسائی حاصل کی گئی۔ کمپنی کا کہنا ہے کہ واقعے سے متعلق بھارتی حکومت کو آگاہ کردیا گیا ہے، جبکہ معاملے کی مزید تحقیقات جاری ہیں۔