متنازع ٹویٹس کیس میں وکیل ایمان مزاری اور ہادی علی چٹھہ کی سزا معطلی کی درخواستیں اسلام آباد ہائی کورٹ میں 24 جولائی کو سماعت کے لیے مقرر کردی گئی ہیں۔
اسلام آباد ہائی کورٹ کے جسٹس محمد اعظم خان درخواستوں پر سماعت کریں گے، جبکہ رجسٹرار آفس نے اس حوالے سے کاز لسٹ بھی جاری کردی ہے۔
یاد رہے کہ سپریم کورٹ نے 12 مئی کے اپنے حکم میں اسلام آباد ہائی کورٹ کو ہدایت کی تھی کہ سزا معطلی کی درخواستوں پر دو ہفتوں کے اندر فیصلہ کیا جائے۔ اس سے قبل یہ کیس 4 جون کو سماعت کے لیے مقرر کیا گیا تھا، تاہم بعد ازاں کاز لسٹ منسوخ ہونے کے باعث سماعت نہ ہوسکی۔
دوسری جانب سپریم کورٹ میں بھی ایمان مزاری اور ہادی علی چٹھہ کی سزا معطلی کی درخواستیں 21 جولائی کو سماعت کے لیے مقرر ہیں۔