مشرقِ وسطیٰ میں جاری شدید کشیدگی کے دوران ایرانی پاسدارانِ انقلاب (آئی آر جی سی) نے قطر میں واقع امریکا کے سب سے بڑے فوجی اڈے 'العدید ایئر بیس' پر بڑا حملہ کرنے کا دعویٰ کیا ہے۔
تہران سے جاری ہونے والے ایک باضابطہ بیان میں ایرانی پاسدارانِ انقلاب نے تصدیق کی ہے کہ انہوں نے قطر میں موجود امریکی العدید بیس کو نشانہ بنایا ہے۔ ایرانی حکام کا دعویٰ ہے کہ اس کارروائی کے نتیجے میں امریکی فوج کا طویل فاصلے تک مار کرنے والا جدید 'لانگ رینج ریڈار سسٹم' مکمل طور پر تباہ کر دیا گیا ہے۔
ایرانی پاسدارانِ انقلاب کے اعلامیے میں مزید کہا گیا ہے کہ اس حملے میں وہاں تعینات متعدد امریکی اسٹریٹیجک ریفیولنگ ایئر کرافٹ (فضامیں ایندھن بھرنے والے طیارے) بھی تباہ ہوئے ہیں، جبکہ وہاں موجود کئی دیگر اہم جنگی و معاون طیاروں کو شدید نقصان پہنچا ہے۔
اس حملے کے بعد خطے میں امریکی اور ایرانی فورسز کے درمیان براہِ راست تصادم کا خطرہ انتہائی سنگین صورتحال اختیار کرگیا ہے۔