پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جا رہا ہے جس کے تحت پیٹرول کی قیمت میں 8 روپے فی لیٹر تک اضافہ متوقع ہے۔
ذرائع کے مطابق نئی قیمتوں کا اطلاق آج رات 12 بجے سے ہونے کا امکان ہے جبکہ حکومت کی جانب سے اس حوالے سے باضابطہ نوٹیفکیشن جاری کیے جانے کا انتظار ہے۔
اگر مجوزہ اضافہ منظور کر لیا گیا تو ملک بھر میں پٹرول نئی قیمت پر فروخت ہوگا جس کا اطلاق فوری طور پر تمام پیٹرول پمپس پر کیا جائے گا۔
واضح رہے کہ نئی قیمتوں کا حتمی اعلان وفاقی وزارت خزانہ کی جانب سے اوگرا کی سفارشات اور وزیراعظم کی منظوری کے بعد کیا جائے گا۔