بنگلا دیش کے صدر محمد شہاب الدین نے اپنی آئینی مدت مکمل ہونے سے پہلے ہی اپنے عہدے سے استعفا دے دیا ہے۔
ڈھاکا ٹریبیون اور مقامی ذرائع ابلاغ کے مطابق، سابق وزیراعظم شیخ حسینہ واجد کے قریبی ساتھی سمجھے جانے والے صدر پر 11 جماعتی اپوزیشن اتحاد کے مطالبے کے بعد حکومت کی جانب سے استعفے کا دباؤ تھا۔
صدارتی پریس سیکریٹری سرور عالم کے مطابق، آئین کے تحت صدر کا دستخط شدہ استعفیٰ اسپیکر کو موصول ہوتے ہی موثر ہو جاتا ہے، جس کے بعد اب نئے عبوری صدر کے انتخاب کے لیے آئینی عمل کا آغاز کردیا گیا ہے۔
دوسری جانب سابق وزیراعظم شیخ حسینہ واجد نے بھی وطن واپس آکر اپنے خلاف قائم مقدمات کا عدالتوں میں سامنا کرنے کا اعلان کیا ہے۔