امریکی صدر ڈونلڈ ٹرمپ نے ایک بار پھر مستقبل میں صدارتی انتخاب لڑنے کی خواہش کا اظہار کرتے ہوئے کہا ہے کہ وہ چوتھی بار بھی صدارتی الیکشن میں حصہ لینا چاہتے ہیں۔
واشنگٹن میں صحافیوں کی ایک تقریب سے خطاب کرتے ہوئے ڈونلڈ ٹرمپ نے کہا کہ ان کا یہ بیان بہت سے لوگوں کے لیے حیران کن ہوسکتا ہے، لیکن وہ یہ بتانا چاہتے ہیں کہ ان کی خواہش ہے کہ وہ چوتھی مرتبہ بھی صدارتی انتخاب میں حصہ لیں۔
صدر ٹرمپ اس وقت اپنی دوسری صدارتی مدت کا تقریباً نصف حصہ مکمل کرچکے ہیں۔ تاہم امریکی آئین کی 22ویں ترمیم کے سیکشن ون کے مطابق کوئی بھی شخص دو مرتبہ سے زیادہ امریکہ کا صدر منتخب نہیں ہوسکتا۔
اسی وجہ سے سیاسی مبصرین کا کہنا ہے کہ امریکی آئین کی موجودہ شقوں کے تحت ڈونلڈ ٹرمپ کے لیے دوبارہ، بالخصوص تیسری یا چوتھی مرتبہ، صدارتی انتخاب میں حصہ لینے کا راستہ آئینی طور پر ممکن نہیں، جب تک کہ آئین میں متعلقہ ترمیم نہ کی جائے۔