امریکا کے شہر سیئٹل میں منعقدہ فوڈ فیسٹیول کے دوران ہونے والی فائرنگ میں ہلاک افراد کی تعداد بڑھ کر 3 ہوگئی، جبکہ 4 افراد زخمی ہوئے ہیں۔
امریکی حکام کے مطابق واقعے کے بعد ایک مشتبہ شخص کو حراست میں لے لیا گیا ہے، جبکہ دوسرے ملزم کی تلاش جاری ہے۔
پولیس کا کہنا ہے کہ ابتدائی تحقیقات سے معلوم ہوا ہے کہ دو افراد ایک دوسرے پر فائرنگ کر رہے تھے، جس کے نتیجے میں متعدد شہری گولیوں کی زد میں آ گئے۔ جائے وقوعہ سے اسلحہ بھی برآمد کرلیا گیا ہے۔
حکام کے مطابق زخمی ہونے والے چاروں افراد کو فوری طور پر قریبی اسپتال منتقل کردیا گیا، جبکہ واقعے کی وجوہات اور دیگر پہلوؤں کی تحقیقات جاری ہیں۔