روسی صدر ولادیمیر پیوٹن نے ایران کے چھوٹے تیز رفتار جنگی بحری بیڑے، المعروف ’ماسکیٹو فلیٹ‘ کی تعریف کرتے ہوئے کہا ہے کہ جدید ٹیکنالوجی اور جدید ہتھیاروں سے لیس یہ کشتیاں جنگی کارروائیوں میں انتہائی مؤثر ثابت ہو رہی ہیں۔
روسی خبر رساں ادارے اسپوتنک کے مطابق بحریہ کے افسران سے ملاقات کے دوران پیوٹن نے مشرق وسطیٰ کی صورتحال کا حوالہ دیتے ہوئے کہا کہ ایران نے اپنے ماسکیٹو فلیٹ کے ذریعے اپنی بحری کارروائیوں کی صلاحیت میں نمایاں اضافہ کیا ہے۔
انہوں نے کہا کہ روس کے پاس بھی ایسے ہلکے وزن کے جدید جنگی بحری جہاز موجود ہیں جن پر جدید ترین ہتھیار نصب کیے جا سکتے ہیں۔
اسپوتنک کے مطابق ایران کے ماسکیٹو فلیٹ میں تقریباً 20 غدیر کلاس چھوٹی آبدوزیں اور ہزاروں تیز رفتار حملہ آور کشتیاں شامل ہیں جنہیں ساحلی سرنگوں میں چھپایا جا سکتا ہے، جس کے باعث انہیں طویل فاصلے سے نشانہ بنانا انتہائی مشکل ہو جاتا ہے۔