امریکا کی جانب سے ایران پر حالیہ فضائی حملوں کے بعد پاسدارانِ انقلاب نے سخت ردعمل دیتے ہوئے واضح کیا ہے کہ اللہ تعالیٰ کی مدد سے آج جارح کو اس کے اقدامات کی سزا دی جائے گی۔
ایران کی نیم سرکاری خبر ایجنسی فارس کے مطابق یہ بیان پاسدارانِ انقلاب کے شعبہ تعلقاتِ عامہ کی جانب سے جاری کیا گیا جس میں امریکی کارروائیوں کے بعد سخت مؤقف اختیار کیا گیا۔
یہ بیان ایسے وقت میں سامنے آیا ہے جب گزشتہ شب امریکا نے ایران کے مختلف علاقوں میں فضائی حملے کیے جس کے بعد خطے میں کشیدگی مزید بڑھ گئی ہے۔
رپورٹس کے مطابق حملوں کے دوران قشم، کیش، بندر عباس، آبادان اور بوشہر سمیت کئی شہروں میں دھماکوں کی آوازیں سنی گئیں۔ مختلف علاقوں میں صورتحال پر گہری نظر رکھی جا رہی ہے جبکہ ان حملوں کے ممکنہ اثرات اور نقصانات سے متعلق مزید معلومات سامنے آنے کا انتظار ہے۔
امریکا اور ایران کے درمیان بڑھتی ہوئی کشیدگی کے باعث خطے کی صورتحال ایک بار پھر عالمی توجہ کا مرکز بن گئی ہے جبکہ دونوں ممالک کے آئندہ اقدامات پر بھی گہری نظر رکھی جا رہی ہے۔