وزیراعظم محمد شہباز شریف نے اپنے دورۂ سعودی عرب کے دوران مکہ مکرمہ میں قصر الصفا پہنچ کر سعودی ولی عہد اور وزیرِ اعظم شہزادہ محمد بن سلمان بن عبدالعزیز آل سعود سے ملاقات کی۔
قصر الصفا آمد پر سعودی ولی عہد نے وزیراعظم شہباز شریف کا پرتپاک استقبال کیا، جس کے بعد دونوں رہنماؤں کے درمیان دوطرفہ ملاقات کا آغاز ہوا۔
ملاقات میں پاکستان اور سعودی عرب کے درمیان دوطرفہ تعلقات، باہمی تعاون، علاقائی صورتحال اور مشترکہ دلچسپی کے مختلف امور پر تبادلہ خیال کیا جا رہا ہے۔
وزیراعظم کے ہمراہ نائب وزیراعظم و وزیر خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر اور وزیر دفاع خواجہ محمد آصف بھی ملاقات میں شریک ہیں۔