لاہور کے علاقے کاہنہ کے کرباٹھ میں بجلی کی ٹوٹی ہوئی تار کی زد میں آکر 6 سالہ بچہ جاں بحق ہوگیا۔
ذرائع کے مطابق جاں بحق بچے کی شناخت علی حسن ولد اعظم کے نام سے ہوئی ہے۔ بتایا گیا ہے کہ علی حسن علاقے میں گری ہوئی 11 کے وی بجلی کی تار کے قریب پہنچا تو کرنٹ کی زد میں آگیا اور موقع پر ہی دم توڑ گیا۔
علاقہ مکینوں کے مطابق بجلی کی تار ٹوٹ کر سڑک پر گری ہوئی تھی، جس کے باعث یہ افسوسناک حادثہ پیش آیا۔ شہریوں نے متعلقہ حکام سے مطالبہ کیا ہے کہ بجلی کی بوسیدہ اور خطرناک تاروں کی فوری مرمت کی جائے تاکہ ایسے واقعات کی روک تھام ممکن ہوسکے۔