بھارتی ریاست بہار میں ساون کے تیسرے سوموار کی صبح اشوک دھام مندر کے باہر پوجا کے لیے جمع ہونے والے بے قابو ہجوم میں ناگہانی بھگدڑ مچنے سے 7 افراد ہلاک اور متعدد زخمی ہوگئے ہیں۔
ابتدائی طور پر شبہ ظاہر کیا جا رہا ہے کہ مندر کے قریب بجلی کا کھمبا گرنے کے باعث زائرین میں شدید خوف و ہراس پھیلا، جس کے نتیجے میں بھگدڑ مچ گئی اور یہ جانی نقصان ہوا۔
دوسری جانب بہار پولیس کا کہنا ہے کہ واقعے کی اصل وجہ کا حتمی تعین مکمل تحقیقات اور تصدیق کے بعد ہی سامنے آئے گا۔