ایرانی وزارت خارجہ کے ترجمان اسماعیل بقائی نے کہا ہے کہ پاکستان اور قطر خطے میں موجودہ کشیدگی کم کرنے کے لیے اہم کردار ادا کر رہے ہیں، جبکہ ایران دونوں ممالک کے ساتھ مسلسل رابطے میں ہے۔
ہفتہ وار پریس بریفنگ کے دوران اسماعیل بقائی نے کہا کہ ایران کسی ڈیڈ لائن یا دباؤ کے تحت فیصلے نہیں کرتا۔ ان کے مطابق مفاہمت کی یادداشت (ایم او یو) کی مدت پابندیاں ختم کرنے اور جوہری معاملے کے حل تک محدود تھی۔
ترجمان ایرانی وزارت خارجہ نے دعویٰ کیا کہ امریکا کی جانب سے ایم او یو کی خلاف ورزی کے باعث تاحال مذاکرات کا دوبارہ آغاز نہیں ہوسکا۔ ان کا کہنا تھا کہ امریکا نے ایم او یو پر دستخط کے چند ہفتوں بعد ہی جنگ بندی کی خلاف ورزی کی۔
اسماعیل بقائی کے مطابق ایران اور عمان کے درمیان آبنائے ہرمز سے متعلق مذاکرات جاری ہیں، جبکہ دونوں ممالک بحری آمدورفت کے طریقہ کار پر بھی کام کر رہے ہیں۔
انہوں نے کہا کہ ایران کی ثابت قدمی نے مخالفین کے اندازوں کو غلط ثابت کیا ہے۔ ایران پاکستان اور قطر کے ساتھ رابطے جاری رکھے ہوئے ہے اور دونوں ممالک خطے میں کشیدگی کم کرنے میں اہم کردار ادا کر رہے ہیں۔