پاکستان میں 18 اکتوبر سے یکم نومبر تک سہ ملکی ون ڈے سیریز کا مجوزہ شیڈول سامنے آگیا ہے، جس میں پاکستان، انگلینڈ اور سری لنکا کی ٹیمیں حصہ لیں گی۔
ذرائع کے مطابق تمام بورڈز کی باہمی مشاورت سے اس شیڈول کو جلد حتمی شکل دے کر باضابطہ اعلان کر دیا جائے گا۔
مجوزہ شیڈول کے مطابق سیریز دو مراحل میں کھیلی جائے گی۔
پہلا مرحلے میں راولپنڈی کرکٹ اسٹیڈیم میں 18، 20 اور 22 اکتوبر کو میچز تجویز کیے گئے ہیں۔
دوسرے مرحلے میں قذافی اسٹیڈیم لاہور میں 25، 27 اور 29 اکتوبر کو میچز کا انعقاد ہوگا، جبکہ سیریز کا فائنل یکم نومبر کو لاہور میں ہی کھیلا جائے گا۔
علاوہ ازیں، سری لنکن کرکٹ ٹیم کے دورہ پاکستان کے دوران دو ٹیسٹ اور تین ٹی ٹوئنٹی میچز بھی شامل ہیں۔ سری لنکا سیریز کے ان میچوں کی تاریخوں اور وینیوز سے متعلق حتمی فیصلے کے لیے مشاورت کا عمل جاری ہے۔