ٹرائی نیشن سیریز کے فائنل میں سری لنکا کو شکست دینے والی قومی ٹیم پر سلو اوور ریٹ کے باعث آئی سی سی نے میچ فیس کا 5 فیصد جرمانہ عائد کردیا۔
آئی سی سی کے مطابق پاکستان نے مقررہ وقت میں ایک اوور کم کیا، جس پر میچ ریفری جیف کرو نے جرمانہ عائد کیا۔ کپتان شاہین آفریدی نے غلطی تسلیم کرتے ہوئے سزا قبول کرلی۔
واضح رہے کہ پاکستان نے فائنل میں سری لنکا کا 326 رنز کا ہدف 7 وکٹوں کے نقصان پر 9 گیندیں قبل حاصل کرکے ٹرائی نیشن سیریز جیتی تھی۔ فخر زمان نے 127 رنز کی شاندار اننگز کھیلی تھی۔