بھارتی حکام نے نئی دہلی میں پاکستانی ہائی کمیشن کے باہر نصب قطار بنانے والی ریلنگ یکطرفہ طور پر ہٹا دی۔
ذرائع کے مطابق پاکستان اور بھارت کے درمیان تعلقات باہمی عمل اور مساوات کے اصولوں پر قائم ہیں، تاہم پاکستانی ہائی کمیشن کے باہر ریلنگ ہٹانے کا بھارتی اقدام یکطرفہ نوعیت کا ہے۔
ذرائع کا کہنا ہے کہ پاکستان کی جانب سے ایسا کوئی اقدام نہیں کیا گیا جسے بھارتی اقدام کے جواز کے طور پر پیش کیا جاسکے۔ بھارتی میڈیا میں اس معاملے سے متعلق سامنے آنے والی بعض رپورٹس کو بھی ذرائع نے حقائق کے منافی قرار دیا ہے۔
ذرائع کے مطابق نئی دہلی میں پاکستانی ہائی کمیشن کے باہر بھارتی اقدام کے بعد اسلام آباد میں بھارتی ہائی کمیشن کے باہر ممکنہ جوابی اقدام کو خارج از امکان قرار نہیں دیا جاسکتا۔