بلوچستان کے شہر پنجگور میں تربت روڈ پر گوران کے مقام پر دو گاڑیوں کے درمیان المناک تصادم کے نتیجے میں 5 افراد جاں بحق جبکہ 2 بچے شدید زخمی ہوگئے۔
پولیس ذرائع کے مطابق افسوسناک حادثے میں جاں بحق ہونے والوں میں ایک ہی خاندان کی چار خواتین اور ایک نوجوان شامل ہیں، جن کا تعلق تحصیل پروم سے ہے۔
حادثے کے فوری بعد امدادی ٹیموں اور پولیس نے موقع پر پہنچ کر لاشوں اور زخمی بچوں کو اسپتال منتقل کیا جہاں زخمیوں کو طبی امداد فراہم کی جا رہی ہے۔