امریکا نے ایران کے ساتھ جنگ کے باعث خالی کرائے گئے مشرقِ وسطیٰ کے سفارت خانوں میں اپنے سفارتی عملے کو دوبارہ تعینات کرنے کی تیاریاں شروع کردی ہیں۔
امریکی اخبار نیویارک ٹائمز کی رپورٹ اور امریکی محکمۂ خارجہ کی اندرونی دستاویز کے مطابق امریکی سفارت کاروں کی واپسی اور ہنگامی اقدامات میں کمی کا عمل رواں ہفتے سے شروع ہونے کا امکان ہے، جس سے ظاہر ہوتا ہے کہ ٹرمپ انتظامیہ کو ایران کے ساتھ مکمل جنگ دوبارہ شروع ہونے کا خدشہ نہیں ہے۔
دستاویز کے مطابق اسرائیل، لبنان، سعودی عرب، قطر، اردن، عمان، عراق اور کویت میں قائم امریکی سفارت خانوں میں عملے کی تعداد دوبارہ بڑھائی جائے گی۔
واضح رہے کہ فروری میں جنگ کے آغاز کے بعد امریکی محکمۂ خارجہ نے مشرقِ وسطیٰ کے متعدد سفارتی مشنز سے عملہ نکالنے کے احکامات جاری کیے تھے۔