فیلڈ مارشل سید عاصم منیر نے کہا ہے کہ سوشل میڈیا پروپیگنڈے کے خلاف نوجوانوں کا مثبت اور بامعنی کردار ضروری ہے۔
آئی ایس پی آر کے مطابق فیلڈ مارشل سید عاصم منیر سے ہارورڈ بزنس اسکول کے طلبہ نے ملاقات کی جس میں علاقائی و عالمی صورتحال اور پاکستان کے سیکیورٹی منظرنامے پر تبادلہ خیال کیا گیا۔
فیلڈ مارشل عاصم منیر نے نوجوانوں کے لیے تعلیم، ہنرمندی، کاروباری صلاحیتوں کے فروغ اور حقائق پر مبنی تجزیے کی اہمیت پر زور دیا۔
انہوں نے کہا کہ نوجوان نسل کو حقائق پر مبنی سوچ اپنانا ہوگی۔ ہارورڈ بزنس اسکول کے طلبہ نے پاکستان کے دورے کے تجربے کو شاندار قرار دیا۔