امریکی صدر ڈونلڈ ٹرمپ نے ایک بار پھر اپنے بارے میں غیر معمولی رائے کا اظہار کرتے ہوئے خود کو امریکا کی تاریخ کا عظیم ترین صدر قرار دے دیا۔
ٹرمپ نے اپنے سوشل میڈیا پلیٹ فارم ٹروتھ سوشل پر امریکی صدور کی ایک درجہ بندی شیئر کی، جس میں انہوں نے ابراہام لنکن، جارج واشنگٹن، فرینکلن ڈی روزویلٹ، ووڈرو ولسن، تھامس جیفرسن اور اینڈریو جیکسن کو عظیم صدور کے درجے میں رکھا۔
ان کی فہرست میں تھیوڈور روزویلٹ، گروور کلیولینڈ، جان ایڈمز اور جیمز کے پولک کو عظیم ترین صدور کے قریب ترین قرار دیا گیا، جبکہ خود ٹرمپ نے سب سے بلند مقام حاصل کیا۔
ٹرمپ نے سابق صدر بل کلنٹن سمیت 12 صدور کو اوسط درجے میں شامل کیا۔ مزید 6 صدور کو اوسط سے کم قرار دیا گیا، جبکہ جو بائیڈن، باراک اوباما، جمی کارٹر، یولیسیز ایس گرانٹ اور وارن ہارڈنگ کو ناکام صدور کی فہرست میں رکھا۔