پاکستان کے خلاف لارڈز ٹیسٹ کی پہلی اننگز میں انگلینڈ کی پوری ٹیم 290 رنز بنا کر آل آؤٹ ہوگئی۔
انگلش ٹیم نے دوسرے دن کے کھیل کا آغاز 9 وکٹوں کے نقصان پر 248 رنز سے کیا، جہاں گس اٹکنسن اور جوش ٹنگ نے آخری وکٹ کی شراکت میں 42 رنز کا اضافہ کیا۔ انگلینڈ کی آخری وکٹ اٹکنسن کی صورت میں گری جو 45 رنز بنا کر علی عثمان کی گیند پر آؤٹ ہوئے۔
پہلے دن کا کھیل خراب روشنی کی وجہ سے وقت سے پہلے ختم کردیا گیا تھا۔ اننگز میں انگلینڈ کی جانب سے جیمی اسمتھ 61 اور جارڈن کوکس 55 رنز کے ساتھ نمایاں بیٹرز رہے۔ دیگر کھلاڑیوں میں بین ڈکٹ اور ڈین لارینس نے 17، 17، ہیری بروک نے 15 اور جوفرا آرچر نے 14 رنز بنائے۔
پاکستان کی جانب سے شاندار بولنگ کا مظاہرہ کرتے ہوئے محمد عباس نے 4، محمد علی نے 3، جبکہ خرم شہزاد اور علی عثمان نے ایک ایک وکٹ حاصل کی۔ واضح رہے کہ تین ٹیسٹ میچوں پر مشتمل اس سیریز میں انگلینڈ کو 0-1 کی برتری حاصل ہے۔