سندھ اسمبلی نے ملک میں نئے صوبوں اور نئے انتظامی یونٹس کی مجوزہ تشکیل پر بحث کے لیے تحریک التوا کثرتِ رائے سے منظور کرلی۔
پیپلزپارٹی کے صوبائی صدر نثار احمد کھوڑو نے اہم عوامی معاملے پر تحریک التوا پیش کرنے کی اجازت مانگی، جس پر اسپیکر اویس قادر شاہ نے وزیر قانون ضیاءالحسن لنجار سے مشاورت کے بعد اجازت دی۔
اسپیکر نے تحریک بحث کے لیے منظور کرتے ہوئے اعلان کیا کہ پیر کو دو گھنٹے اس معاملے پر بحث ہوگی، تاہم ضرورت پڑنے پر بحث کا دورانیہ مزید بڑھایا جاسکتا ہے۔
سندھ اسمبلی کا اجلاس پیر کی دوپہر 2 بجے تک ملتوی کردیا گیا۔