پاکستان کے سابق ٹیسٹ کپتان محمد یوسف نے بابر اعظم اور دیگر قومی بیٹرز کے ارد گرد موجود کوچز کو "زہر" قرار دیتے ہوئے شدید تنقید کی ہے۔
انھوں نے کہا ہے کہ ان کوچز میں ویژن کی کمی ہے جس کی وجہ سے کھلاڑیوں کی تکنیکی خامیاں دور نہیں ہوسکیں اور پاکستان کرکٹ زوال کا شکار ہوئی۔
دوسری جانب سوشل میڈیا پر قارئین نے محمد یوسف کے اس بیان پر سخت ردعمل دیتے ہوئے سوال اٹھایا کہ وہ خود بیٹنگ کوچ اور ہائی پرفارمنس سینٹر میں اپنی ملازمت کے دوران ان خامیوں کو دور کرنے میں کیوں ناکام رہے۔
دورہ انگلینڈ کے دوران تسلسل سے خراب کارکردگی کے بعد پاکستان کرکٹ میں سابق کھلاڑیوں کے درمیان تنقید کا سلسلہ تیز ہو گیا ہے، جہاں سابق چیف سلیکٹر محمد وسیم نے بھی ایک پوڈ کاسٹ میں لارڈز ٹیسٹ کے دوران امام الحق کی چوٹ کی حقیقت پر سوالات اٹھائے ہیں۔