کراچی کے علاقے نارتھ ناظم آباد میں کے الیکٹرک کے حیدری دفتر کے باہر میٹروول، ضیاء کالونی، فرنٹیئر کالونی، بنارس اور منگھوپیر کے مکینوں نے شدید لوڈشیڈنگ کے خلاف احتجاج کرتے ہوئے دھرنا دیا۔
مظاہرین کا کہنا تھا کہ کے الیکٹرک ان کے علاقوں میں روزانہ 14 گھنٹے سے زائد کی لوڈ شیڈنگ کر رہی ہے، جبکہ ہفتے میں دو سے تین دن مرمت کے نام پر بھی دن بھر بجلی معطل رکھی جاتی ہے۔
بجلی کی طویل عدم فراہمی سے تنگ آکر علاقہ مکینوں نے کے الیکٹرک دفتر کے سامنے جمع ہو کر شدید نعرے بازی کی اور مطالبہ پورا ہونے تک دھرنا جاری رکھنے کا اعلان کیا۔