سندھ انوائرنمنٹل پروٹیکشن ایجنسی (سیپا) نے صوبے بھر میں دھواں چھوڑنے والی گاڑیوں کے خلاف سخت کریک ڈاؤن کا فیصلہ کیا ہے۔
ڈی جی سیپا عاشق لانگا کے مطابق اس مہم کے دوران 20 سے زائد مختلف مقامات پر گاڑیوں کی تکنیکی جانچ کی جائے گی، جبکہ ماحولیاتی آلودگی کا سبب بننے والی گاڑیوں کے خلاف کارروائی کرتے ہوئے انہیں وارننگز اور چالان جاری کیے جائیں گے۔
مزید برآں، آلودگی پھیلانے والی گاڑیوں پر لال اسٹیکرز چسپاں کیے جائیں گے اور اگر گاڑی مالکان نے 15 دن کے اندر اندر گاڑی کی خرابی دور نہ کی تو گاڑی کو مکمل طور پر بند کردیا جائے گا۔