کرایوں میں اضافے اور بے دخلی کے خلاف ملک گیر احتجاج کے بعد اسپین میں قبل از وقت عام انتخابات کا اعلان کردیا گیا۔
رپورٹس کے مطابق اسپین میں عام انتخابات 29 نومبر کو ہوں گے، جبکہ انتخابات پہلے آئندہ سال گرمیوں میں متوقع تھے۔
ملک میں ایک بزرگ خاتون کو گھر سے بے دخل کیے جانے کے واقعے کے بعد رہائشی مسائل، بڑھتے کرایوں اور بے دخلی کے خلاف احتجاج کا سلسلہ شروع ہوا، جو بعد ازاں مختلف شہروں تک پھیل گیا۔
مظاہرین نے میڈرڈ میں پارلیمنٹ کے باہر بھی دھرنا دیا اور حکومت سے رہائشی بحران کے حل اور عوام کو بڑھتے ہوئے کرایوں سے ریلیف فراہم کرنے کا مطالبہ کیا۔
رپورٹس کے مطابق احتجاجی صورتحال کے تناظر میں وزیراعظم پیڈرو سانچیز نے قبل از وقت عام انتخابات کرانے کا اعلان کیا ہے۔