چیئرمین پاکستان پیپلز پارٹی بلاول بھٹو زرداری نے سانحہ پشاور پر شدید افسردگی کا اظہار کیا ہے۔
ایکس پر جاری پیغام میں انھوں نے لکھا ہے کہ "پشاور کی دیر کالونی میں اسکول کی چھت گرنے سے معصوم بچوں اور اساتذہ کے جاں بحق ہونے پر دل شدید افسردہ ہے"۔
انھوں نے مزید لکھا کہ "یہ سوچ کر ہی دل کانپ اٹھتا ہے کہ جن والدین نے آج صبح اپنے بچوں کو پیار سے اسکول رخصت کیا تھا، ان کی واپسی کے بجائے انہوں نے ان کی موت کی خبر سنی، ان گھروں میں چھا جانے والے سناٹے اور والدین کے دکھ کو کوئی الفاظ میں بیان نہیں کرسکتا"۔
انھوں نے لکھا ہے کہ "سوگوار خاندانوں کے غم میں شریک ہوں اور لواحقین کے صبرِ جمیل اور زخمیوں کی جلد صحت یابی کے لیے دعاگو ہوں"۔