شہر قائد میں آج موسم گرم اور خشک رہنے کا امکان ہے جبکہ زیادہ سے زیادہ درجہ حرارت 38 ڈگری سینٹی گریڈ تک پہنچ سکتا ہے۔ چیف میٹرولوجسٹ نے خبردار کیا ہے کہ گرمی کی شدت مزید 8 سے 9 روز برقرار رہ سکتی ہے اور پارہ 40 ڈگری تک جا سکتا ہے۔
محکمہ موسمیات کے مطابق کراچی میں کم سے کم درجہ حرارت 25.7 ڈگری ریکارڈ کیا گیا جبکہ ہوا میں نمی کا تناسب 60 فیصد رہا۔ چیف میٹرولوجسٹ انجم نذیر ضیغم کے مطابق شہر میں سردی کا آغاز عموماً 15 دسمبر سے ہوتا ہے، جبکہ جنوری کے ابتدائی 10 روز سرد ترین ہوتے ہیں۔